OINARRIAK

1. Abenduaren 19tik urtarrilaren 10era bitartean, Erandioko Udalak KARABEZUra igotzeko martxaren I. edizioa antolatuko du. Pandemia dela eta, eta COVID-19ari buruz indarrean dagoen araudiari jarraituz, edizio hau hainbat egunetan zehar egingo da, Martiartu eta Karabezu artean ibilbide eta ordutegi librearekin eta argazki lehiaketa batekin batera.

2. Lehiaketan parte hartzeko, hiru argazki bidali beharko dira:

• Martiartu
• Karabezuko postontzia
• Librea (ibilbidean zehar)

Argazkiak esteka honetara bidali behar dira

SARTU FORMULARIOAN

3. Sariak eta epaimahaia:

• Originaltasuna
• Kalitate artistikoko argazkirik onena.
• Ingurune naturala

Epaimahaia udalerriko argazkigintzako bi profesionalek osatuko dute.

Kategoria bakoitzeko irabazleak lau lagunentzako bazkaria izango du udalerriko ostalaritza-establezimenduren batean.

4. Jarduera honetan Erandioko udalerrian erroldatutako pertsona guztiek har dezakete parte, hala nahi badute. Pertsona bakoitzak parte-hartze bakarra izango du argazki-lehiaketan. Parte-hartzaileak gutxienez hiru argazkietatik bitan agertu beharko du. Eta denek hark berak eginak izan behar dute.

5. Parte-hartzaileek uneoro izan beharko dituzte kontuan COVID-19 osasun-larrialdia dela-eta Gobernuak ezartzen dituen mugak eta osasun-neurriak, talde-jarduerak egiteari eta mugikortasun-mugei dagokienez.

6. Irudi-eskubideak eta datuen babesa: erregelamendu hau onartzeak nahitaez esan nahi du parte-hartzaileak baimena ematen diola erakundeari, parte hartze osoa edo partziala grabatzeko, baimena ematen diola bere irudia probaren berri bere forma guztietan (irratia, prentsa, bideoa, argazkia, DVDa, Internet, kartelak, komunikabideak, etab.) sustatzeko eta hedatzeko, eta antolatzaileek egoki deritzotenerako, haren ustiapen komertzialari eta publizitarioari dagozkion eskubide guztiak lagatzen dituela  eta ez duela inolako konpentsazio ekonomikorik jasotzeko eskubiderik izango.

7. Martxa egiteko, beharrezkoa izango da:

• Indarrean dauden segurtasun neurriak betetzea, taldekako igoerei dagokienez.
• Segurtasun- eta higiene-neurri guztiak errespetatzea.
• Maskara nahitaez erabiltzea.
• Segurtasun-distantziari eustea.
• Ingurunea mantentzea eta errespetatzea.